STEM инновациялык колледжинде "Билим берүүдөгү жасалма интеллектти колдонуу" темасында тренинг өткөрүлдү

2024-12-10 12:13:48 95

STEM инновациялык колледжинде "Билим берүүдөгү жасалма интеллектти колдонуу" темасында тренинг өткөрүлдү 2024-жылдын 9-декабрында STEM инновациялык колледжинде окутуучулар үчүн "Билим берүүдөгү жасалма интеллектти колдонуу" темасында тренинг болуп өттү. Бул иш-чара колледждин дирекциясы тарабынан уюштурулуп, педагогдордун заманбап технологияларды жана илимий ишмердүүлүктү өздөштүрүү боюнча кесиптик компетенцияларын жогорулатууга багытталды. Тренингди Абдиев Бектурсун Исламидинович өткөрүп, жасалма интеллект жана илимий изилдөөлөр жаатындагы тажрыйбасы жана билими менен бөлүштү. Тренингдин алкагында катышуучулар төмөнкү темаларды өздөштүрүштү: Жасалма интеллекттин (ЖИ) негиздери: ЖИ эмне экендиги, анын иштөө принциптери жана колдонуу чөйрөлөрү. Илимий макала тууралуу түшүнүк: Макаланын түрлөрү, структурасы жана өзгөчөлүктөрү. Илимий журналдар үчүн макалаларды туура даярдоо: Scopus, Web of Science сыяктуу эл аралык авторитеттүү журналдар үчүн талаптар. Билим берүүдө ЖИни интеграциялоо: Жасалма интеллектти окутуу процессин жакшыртуу үчүн колдонуу ыкмалары. Илимий макала жазууда ЖИни колдонуу: Изилдөөчүлөр үчүн практикалык сунуштар жана инструменттер. Бул тренинг колледждин билим берүү процессине жана илимий ишмердүүлүгүнө заманбап технологияларды киргизүүдө маанилүү кадам болду. Окутуучулар жасалма интеллектти ишинде натыйжалуу колдонуу жана кесиптик жөндөмдөрүн өркүндөтүү үчүн пайдалуу билимдерге жана көндүмдөргө ээ болушту. STEM инновациялык колледжи билим берүүдө инновациялык мамилени өнүктүрүүгө умтулуп, кызматкерлерине жана студенттерине заманбап технологияларды жана алдыңкы практикаларды өздөштүрүү мүмкүнчүлүктөрүн берүүдө.