Урматтуу устаттар жана сүйүктүү студенттер!

2024-09-24 10:37:49 96

Сиздерди 23-сентябрь Мамлекеттик тил күнү менен чын жүрөктөн куттуктайбыз! Бул өзгөчө күн — биздин улуттук тилибиздин баалуулугун жана анын өнүгүүсүнө болгон жалпы жоопкерчилигибизди эске салган күн. Кыргыз тили — биздин тарыхыбыз, маданиятыбыз, жана улуттук баалуулугубуздун ажырагыс бөлүгү. Урматтуу окутуучулар сиздер тилибизди өнүктүрүүгө жана жаш муундарга аны үйрөтүүгө зор салым кошуп жатасыздар. Ал эми студенттер, сиздер тилди билип, аны жашоодо колдонуунун жардамы менен улуттук дөөлөтүбүздү бекемдейсиздер. Биз биргеликте Кыргыз тилинин келечеги үчүн иштөөнү улантабыз жана аны жаңы деңгээлге көтөрөбүз деп терең ишенем. Кыргыз тили күнү кут болсун! Тилибиз гүлдөп, ар дайым бар болсун! Терең урматтоо менен, STEM инновациялык колледжинин директору, философия илимдеринин кандидаты, доцент Абдылакимова Бегайым Кенжематовна