2025-жылдын 1-апрелинде ОшМУнун STEM инновациялык колледжинин туризм адистигинин студенттери үчүн А. ОYMO керамика мастери Кабылов Асамидиндин улуттук стилдеги мастер-классы болуп өттү.

2025-04-02 12:27:50 29

2025-жылдын 1-апрелинде А. ОYMO керамика аталышындагы мастер-класска STEM инновациялык колледжинин "Профессионалдык дисциплиналар" бөлүмүнүн башчысы Сатыбалдиев Байсал Салиевич, колледждин эл аралык байланыштар боюнча орун басары Орунбаев Манас, туризм адистигинин окутуучусу Асанбеков Эрлан, ошондой эле бөлүмдүн окутуучулары Сыдык кызы Ы. жана Мисирова Н. барып келишти. Мастер-класстын жүрүшүндө Асамидин Кабылов өзүнүн чеберчилигин көрсөтүп, ар кандай жасалыштагы улуттук стилдеги керамика буюмдарын (мисалы, идиштер, кооздук буюмдар) жасоо ыкмаларын студенттерге түшүндүрдү. Туризм адистигинин студенттери чоподон улуттук өзгөчөлүктөргө ээ буюмдарды жасап көрүү мүмкүнчүлүгүн алышты. Мастердин көрсөтмөлөрүн колдонуп, алар өздөрүнүн биринчи чопо иштерин жүргүзүштү. Катышуучулар керамика өнөрүнүн тарыхы, заманбап туризмде улуттук кол өнөрчүлүктүн мааниси, ошондой эле чопо иштетүүнүн техникалык тармактары (мисалы, кургатуу, күйгүзүү, боёо) жөнүндө кызыккан суроолорун беришти. Жыйынтыгында бөлүм башчысы Сатыбалдиев Б.С. сөз сүйлөп бул иш-чаранын студенттер үчүн теориялык билимди практика менен толуктагандыгын, ошондой эле улуттук мурасты өздөштүрүүдөгү маанисин белгиледи. Ошондой эле туризм тармагында керектүү көндүмдөрдү калыптандыраарын айтып, мастерге ыраазычылык билдирди.